Real Time Gross Settlement (RTGS) प्रणाली नेपाल राष्ट्र बैंकबाट सञ्चालन गरिएको विद्युतीय भुक्तानीसम्बन्धी कारोबारहरूको फर्छ्यौट गर्ने प्रणाली हो, जसमा बैंकले तोकेबमोजिमको ठूलो मूल्यको भुक्तानी (High Value Payment) र अति जरुरी भुक्तानीहरू एउटा बैंक खाताबाट अर्को बैंक खातामा रकमान्तर हुन्छ । यो प्रणालीमार्फत भएका कारोबारहरू वास्तविक समय (Real Time) र Gross (प्रत्येक कारोबारको अलग-अलग फर्छ्यौट) Basis मा कुनै पनि कारोबारको bundling वा netting नगरी रकमान्तर गरिन्छ । यो प्रणालीको उपयोग गरी एउटा बैंकबाट अर्को बैंकमा तथा एक व्यक्ति वा संस्थाको बैंक खाताबाट अर्को व्यक्ति वा संस्थाको बैंक खातामा रकम पठाउन सकिन्छ । साथै, ECC, IPS, connectIPS जस्ता भुक्तानी उपकरणहरूमा भएका कारोबारको अन्तिम फर्छ्यौट समेत यस प्रणालीमार्फत हुन्छ ।